Friday, November 16, 2007
صرف اعانات ماليه للنواب الغلابة
بلغني ايها الشعب السعيد ذو الرأي الرشيد انه قد تم مناقشة احوالك ومعرفة ظرفك المطحونة وتمت ولله الحمد العمل علي حلها وبالفعل تم والله الحمد صرف مبلغ 250 الف جنية لكل عضو ممثل للشعب في مجلس الشعب وكذلك 10فرص حج بخلاف العام الماضي الذي تم صرف مبلغ 100الف جنية فقط وخمس فرص حج وخمس تعيينات هما دول اللي احنا اخترناهم بضمير ونزاهة وكمان علشان الباقي يعرف يختار بنزاهة تم الصرف لاعضاء الحزب الوطني فقط مما اثار غضب اعضاء المعارضة والمستقلين منهم د. جمال زهران، سعد عبود، مصطفي بكري، علاء عبدالمنعم بأن هذا التخصيص يمثل رشوة سياسية لنواب حزب الأغلبية، ويميز بين النواب، وطالب النواب الجهاز المركزي للمحاسبات بضرورة الاستفسار عن كيف تمت تسوية المبالغ التي صرفت العام الماضي في الموازنة العامة، خاصة أن المبلغ سيصل إلي ٢٠٠ مليون جنيه في ظل وجود عجز مزمن بالموازنة العامة، ولا تعليق ولله الامر من قبل ومن بعد
Subscribe to:
Post Comments (Atom)
13 comments:
انا عاوزة حقي من المبلغ ده
مش هتنازل عن عشرين جنيه
والا بقي
العين الحمرا هتطلع علي المجلس ده
وعلي فكرة
انا معارضة
والي مش عاجبه يوريني هيعمل ايه
انت بتقول كل واحد 250 الف جدنيه للوطنى ؟
ليه هما دول هما اللى بيفهموا و الباقى لاء و لا ايه ؟
او هما دول ممثلين الشعب المصرى فعلا و الباقى دخيل و لا ايه ؟
ايه الكلام ده
ده تكون مصيبه سودا لو حصلت
مع ان عندنا النائب بتاعنا 5 رحلات حج مجانيه يعنى كده التزيع اهوه بالتساوى
انتي قنوعه اوي يا بطه خديهم مني وخلاص اما يا عم مارو دول بخلاف الفلوس واخدين عشر فرص حج مش خمسه
عندنا عضو مجلس الشعب ببيطلع رحله كل سنه العريش والناس بيحبوه عندنا اوى علشان كده الناس غلابه والله
هههههههههههه
تعرف ياعلاء بعد كل قانون منالقوانين اياها بيصرفوا للاعضاء فلوس
بعد الطوارئ مثلا كل عضو اخد 40 الف جنيه
ده العادى بتاعهم يعنى
ممثلى الشعب بيبيعوا الشعب
Oi, achei seu blog pelo google está bem interessante gostei desse post. Gostaria de falar sobre o CresceNet. O CresceNet é um provedor de internet discada que remunera seus usuários pelo tempo conectado. Exatamente isso que você leu, estão pagando para você conectar. O provedor paga 20 centavos por hora de conexão discada com ligação local para mais de 2100 cidades do Brasil. O CresceNet tem um acelerador de conexão, que deixa sua conexão até 10 vezes mais rápida. Quem utiliza banda larga pode lucrar também, basta se cadastrar no CresceNet e quando for dormir conectar por discada, é possível pagar a ADSL só com o dinheiro da discada. Nos horários de minuto único o gasto com telefone é mínimo e a remuneração do CresceNet generosa. Se você quiser linkar o Cresce.Net(www.provedorcrescenet.com) no seu blog eu ficaria agradecido, até mais e sucesso. If is possible add the CresceNet(www.provedorcrescenet.com) in your blogroll, I thank. Good bye friend.
حقاً .. شر البلية ما يضحك
يا ياسمين الناس بتحبه علشان الرحلة لانهم بيقولوا اكيد احسن من عينه مش محبة فيه
سارة هما مش بيبيعوا الشعب هما بيبيعوا انفسهم
اضحك يا احمد براحتك كل حاجه بقت بتضحك النهارده شر البليه وخيرها كمان شكرا لكم لاهتمامكم
هو محدش قلك نصيب الجيزاوى فى المبلغ دة كام عموما انا عن نفسى عندى 2 عضو مجلس غلابه يعنى عوز حقى دبل
احمد الجيزاوى
يا جدع انت هتحسدهم قول ما شاء الله دول غلابة و محتاجين مساعدة
يعني هما يشتروا النواب، عشان النواب يشتروا الشعب،،
والله إذا الشعب قبل إنه بيبع نفسه، يبقى يستاهل،، ولو لم يقبل،،
يبقى حيجوعوه لغاية ما يبيع..
البلد رايحة على حارة سد
تحياتي
بارك الله فيك اخى الحبيب
شدتنى فعلا حكايتك
ولاكن رايت بعينى القرعة العلنية لنواب الاخوان عشر تاشيرات حج
ومش هقول بيدوا نواب الشعب الوطنى
بدل ميدوهم
يدوا للشعب
لو كل واحد جنية
ولا اقلك
الشعب مش عاوز حاجه منهم
بس هما
مياخدوش منه حاجة
تحيااااااتى
انا مستغرب على الحقد الطبقى فى البلد دى وفيها اية لما يعطوهم 250 الف جنية وعشر تأشيرات حج لما بيبيعوهم بيعملوا كمان 250 الف يعنى نص مليون وعندنا حوالى 300 عضو من المصفقين يبقى الاجمالى 150 مليون ...دول مايجوش حاجة فى اللى بيهبشة عز من الحديد ولا الجبلى من الصحة ولا بتاع السياحة والاوفر سييز ولاولا هقول اية ولا اية
دى يغمة واللى يلحق يلحق
بدل ماتنم على الغلابة روح شوف لك سكة وشوف لك كام وعضو كم باين علية راجل كويس هايأبجك ونسمع سلام ورينى خطوتك تا تا تا
Post a Comment