Friday, June 20, 2008

عودة من وراء الستار

بسم الله الرحمن الرحيم
اصدقائي المدونين والمدونات طبعا كلكم عارفين خصوصا اللي متابعني اني بطلت ادون من حوالي ست شهور وبالتحديد من يوم اتنين يناير يمكن علشان انا سافرت الامارات لكن ده مش هو السبب الرئيسي لكن السبب الرئيسي هو اني زهقت او لاقيت ان اولها زي اخرها واكتر سبب خلاني ابطل الفترة اللي فاتت دي ان عملية التدوين عيلت اكتر من الازم واكبر دليل انه كل واحد بقا بيعرف يفتح الكمبيوتر ويدخل نت يعمله مدونة ده مش عيب ولا حارم لكن العيب انه كل واحد عاوز يشتهر يعد يشتم في اي حد او يعارض مجرد معارضه للشهره يعني مثلا اكتر واحد ضايقني اما يكون هو بيكتب عندي كومنتات اكتر من البوستات اللي انا بكتبها وكمان كلها واحده عن نصاب السعودية هو انا يعني فاتح قسم شرطه هنا كمان عملنا معاه تضامن وياريت سكتنا وكمان الباشاوات بتوع الاخوان هما صحيح علي عيني وراسي لكن كل شيء ليه حد تلاقي اللي سايب اوف لاين انه عنده امتحانات واللي يعد يقولك قوم صلي الادان بيدن مع انه انا بكون مصلي قبله وكمان تلاقي العمليه زادت بجد عن حدودها مبقتش تدوين بقا فرض راي او فرض نفس او سموها زي ما تسموها لكن بجد انا زهقت من النظام ده انا مبكتبش ده من فراغ لكن خلاص بجد انا كنت من اشد
االمؤيدين لشمس اما عمل اجازه
اسف لو كنت زعلت حدانا عارف ان انا هتعارض كتير لكن ده مجرد راي لذلك لزم التنويه
تحياتي علاء

Wednesday, January 2, 2008

ازالة عقار بالنزهة دون اخلاؤه من سكانه

اقتباس من برنامج البيت بيتك القناة الثانية انا سجلته لكن قررت اعرضه لما لاقيت الباشا ابو نضاره قاعد علي الكرسي وبيقول للي معاه هد عليها بقا هد عليها شوف شغلك و نفذ اللي قلتلك عليه وعلى الفور هنسمع صوت الهدم الموضوع انه العقار المذكور كان فيه 3 ادوار اعلى من الترخيص المسموح به طبقا لعرض الشارع وقام على الفورالحي بتنفيذ ازالة المخالفات زي ما هي بالفيديو ومن سرعة تنفيذ القرار تم تنفيذة دون اخلاء العقار من سكانه كما ان محامي السكان يقول ان اخطار الاخلاء صدر بعد الازالة باسبوع !!وعجبي وبالرغم ان العقار مخالف لشروط الارتفاع الا انني ارفض وبشدة ان يتم تنفيذ الهدم بهذه الطريقة المروعه يعني الناس مماتتش تحت الانقاض لانه العماره لسه موقعتش نموتهم احنا سواء من الخوف او من الانقاض بردو

Friday, December 28, 2007

قابلتها صدفـة

قابلتها صدفةً بعد طول غياب ما ان رايتها حتى تذكرتها انها هي الطفلة شقراء الشعر كسلاسل الذهب هي سوداء العيون كحالك الليل ممشوقة القوام كالغزلان هي الطفلة الذكية المتفوقة! كنت دوما ارى في عينيها براءة الاطفال بمعناها تذكرت كيف كنا نتشاكس سوياً رايتها في ذلك اليوم تذكرتها قارنتها بماعهدته عنها سابقا بما هي عليه اليوم تعجبت !! هنالك فرق شاسع ماذا حل بها وبعد برهة من الزمن ادركت ما حدث من تغيير الشعر الذهبي قد غطاه حجاب وضعته في حشمة امراة مسلمة اما الجسد الممشوق فقد رايته مترهلاً علمت انها اهملت في نفسها لكن لم ؟ لم يطل السؤال في راسي حتى علمت الجواب يقينا انها الان اماً لطفل او ربما اثنين لكن ما رايته هو طفل قد حملته بذراعيها رايت في عينيها ليست براءة الاطفال ولكنه حنان أم تبذل كل ما بوسعها لوليدها دون انتظار مقابل لقد اصبحت الان اماً ذات مسؤوليات اماً مسؤولة عن جيل باكمله بل وفوق ذلك زوجة تبذل كل ما بوسعها لتنال رضاء زوجها رأتني هي الاخرى لكني مازلت كما انا الا بعض شعيرات اعلنت تمردها مبكرا اعلنت شيبها لكني حتى الان تبع امر محلك سر رايت في عينيها تعجبا هي الاخرى كيف بي على هذا الحال رغم ان دوام الحال من المحال ؟ مررت انا في امان مهمهماً يا حبيبي كل شيء بقضاء ما بايدينا خلقنا تعساء ربما تجمعنا ايامنا ذات يوم بعدما عز اللقاء فاذا انكر خل خله وتلاقينا لقاء الغرباء ومضى كل الي غايته لا تقل شئنا فان الحظ شاء فان الحق شاء فان الحق شاء!! حتى اذا اما عدت لمنزلي استرخيت وتذكرت ايام صباي وطفولتي بعد ان استدعيتها من عميق ذاكرتي وكانت كل هذه التعبيرات التي لاحظتها من مجرد نظرة خاطفة حيث لم يتوقف احدنا ومضينا حقا كاننا غرباااااااااااء!! ولاتعجب فهذه هي الدنيا

Tuesday, December 11, 2007

ماذا تنتظرون؟

بحب جدا القراءة وبالخصوص الكتب والمجلات القديمة وانا بقرا مجلة الازهر عدد اغسطس 92 لاقيت قصيدة بعنوان ماذا تنتظرون لشاعر اسمه رشاد يوسف اعجبت بها جدا قلت انقلها هنا يمكن تعجب زي ما عجبتني وهي

اي شئ بعد خوف الله يوماً تتقون ؟
اي خوف حط من اقداركم يا مسلمون؟
دينكم صيد مباح يبتغيه الحاقدون؟
عرضكم هان عليكم كيف بالله يهون؟
ارضكم ارض الرسالات غدت ارض المنون؟
خيركم قد صار نهباً للمرابي والخؤون؟
في القدس كلاب الصيد باتو ينهشون
خلفهم حقد الليالي وافتراءات القرون
نشوة الكفر اصابتهم بالوان الجنون
فاستهانو بالدم الحر وبالعرض المصون
لوثوا طهر العذارى اطفأوا نور العيون
اخرجوا الامعاء والاشلاء من جوف البطون
والمصلى الطاهر المحراب اضناه المجون
اخرسوا فيه النداءات وراحوا يصخبون
وصغار القدس الجوعى حيارى خائفون
يأكلون الرعب والعشب واوراق الغصون
كل شبر في ربا القدس ملتاع الجفون
..........................
انه الموت فما جدوى صراخ القاعدين
انه الكفر فما قول الكسالى التائهين
انه الجوع فما راي السراة الجاحدين
انفقوا فالله يجزي من رعى حق اليقين
سارعوا فالمال مال الله رب العالمين
انفقوا فالله لا يرضى عن الشح الضنين
يا رفاق الجرح والاهوال شدوا صادقين
اشعلوا الارض ضراما فوق راس الغادرين
اصرخوا في مسمع الايام انا مسلمون
حسبنا الله هدانا وحبانا خير دين
فاصدقو االله نجواكم وموتوا عازمين
انا حسيت بجد ان القصيده دي مكتوبه النهارده او للاحداث اللي حاصله دلوقت !! ولا تعليق

Friday, November 16, 2007

صرف اعانات ماليه للنواب الغلابة

بلغني ايها الشعب السعيد ذو الرأي الرشيد انه قد تم مناقشة احوالك ومعرفة ظرفك المطحونة وتمت ولله الحمد العمل علي حلها وبالفعل تم والله الحمد صرف مبلغ 250 الف جنية لكل عضو ممثل للشعب في مجلس الشعب وكذلك 10فرص حج بخلاف العام الماضي الذي تم صرف مبلغ 100الف جنية فقط وخمس فرص حج وخمس تعيينات هما دول اللي احنا اخترناهم بضمير ونزاهة وكمان علشان الباقي يعرف يختار بنزاهة تم الصرف لاعضاء الحزب الوطني فقط مما اثار غضب اعضاء المعارضة والمستقلين منهم د. جمال زهران، سعد عبود، مصطفي بكري، علاء عبدالمنعم بأن هذا التخصيص يمثل رشوة سياسية لنواب حزب الأغلبية، ويميز بين النواب، وطالب النواب الجهاز المركزي للمحاسبات بضرورة الاستفسار عن كيف تمت تسوية المبالغ التي صرفت العام الماضي في الموازنة العامة، خاصة أن المبلغ سيصل إلي ٢٠٠ مليون جنيه في ظل وجود عجز مزمن بالموازنة العامة، ولا تعليق ولله الامر من قبل ومن بعد

Sunday, November 11, 2007

اين الحياء يا محمود يا سعد

اثارني جدا وانا اشاهد برنامج البيت بيتك يوم السبت 10/11/2007 لما لاقيت الباشا محمود سعد مستضيف الدكتورة بتاعت الجنس وكمان استاذ طب نفسي وكان الكلام عن الزوج اللي بيمارس مع مراته غصب عنها وكلام في منتهى القباحه والرخامة ! انا مش ضد انه نناقش مثل هذه الامور لكن داخل اطار الحياء ولا نخرج عنه. اللي سمعته بجد مقدرش اوصفوا تخيلوا ان ست وام فاضله تتصل وتقول بالحرف ان جوزها بياخدها غصب عنها والبيه محمود سعد يقولها انتي احسنلك تضربي ولا انه يمارس معاكي غصب ويتريق يقولك ممكن يكون الراجل واخد حبايه زرقا باتنين جنيه وعاوز يمارس قبل مفعولها ما يروح ويقولك انه الست بتكون في الحاله دي مش طايقه جوزها ولا طايقه رييحة عرقه؟ ويرجع يقول انه سعيد انه قدر انه يناقش ده في التلفزيون المصري !! دي انا شايف انها اعراض ناس يا عالم ولازم نسترها مش نفضحها في الاعلام ولو فيه حاجه ممكن يكون هناك عيادات استشاريه تكون في السر مش في العلن ولا ده كمان زي ختان الاناث ؟ انا كنت سمعت احاديث للدكتوره بتاعت الجنس دي علي المحور من زمان. بتتكلم فيها عن الجنس وطريقة الممارسة هي الناس ناقصه تتعلم يا عالم ولا كله كبت في الشباب ونرجع نقول تحرش واغتصاب انا من رايي انه الرجل والمراه طرفين عظيمين وهامين كلا منهم للاخر فالمراة للرجل هي امه واخته وزجته وابنته هي الم التي ربت وسهرت وهي الزوجه التي خدمة وانجبت وراعت هي الاخت الحنون هي البنت قرة العين كذلك الرجل هو الاب والاخ والزوج والابن هو الاب الذي سعا وربى هو الزوج الذي حمل المسؤلية هو الاخ الذي تحتمي به هو الابن قرة عينها رفقا بنا يا عالم لان المسالة ليست للجنس فقط

Friday, November 9, 2007

اشتغلت والحمد لله

تخرجت منذ ثلاث سنوات من كلية التجارة بحثت عن عمل وكانت كلي امال اني ساعمل حقا وبالفعل عملت ! عملت كمدرس حاسب الي متعاقد باحدى مدارس التربية والتعليم حمدت الله على ذلك وانتظرت قدوم العقد واذا بي افاجأ بانه ينتهي بانتهاء العام الدراسي فقلت مش مشكل عادي اهو الواحد هيشتغل 8 شهور وكمان هياخد مكافأة 1600 جنيه اخر السنة المفاجأه التانيه انه كان العقد ب 100 جنيه فقط لا غير يعني الحمد لله بردو وتوالت المفاجات والله يا جماعه حاجه كويسه خالص وانت رايح تستلم الشغل تمضي على اقرار انك مالكش اي مستحقات ماليه وانك مش هتطالب بيها الا اما العقد يوصل وغالبا العقد بياخد شهر علما بيوصل لانه كله شغل روتين يعني ممكن جنابك تشتغل ومايجيش اسمك في العقد وتمشي وبح كده وفيه فعلا ناس حصل معاهم ده وكمان مفاجأة انه العقد فيه بند انه للادارة الحق في الغاء التعاقد دون الرجوع عليها باي اضرار مادية او ادبية اما الصدمة بقا مش المفاجاة ان انا لاقيتهم موزعيني في مدرسة في بلد تانيه تبع الادارة التعليمية يعني مواصلات يوميا ب3 جنيه لكن الحمد لله بروح 3 ايام بس في الاسبوع لانهم ترأفوا بحالتي المادية والمفاجاة اللي اكبر انه لغاية دلوقت لسه العقد مجاش وانا عمال اسافر واصرف مواصلات واشتغل لله والوطن وبعد ده كله عاوزين نخرج جيل بجد يكون متميز الحمد لله انا راضي بجد بس ربنا يرضى عنا واهو شغل والسلام